Actualidade

Desde o ano 2012, en que a Axencia para a Calidade do Sistema Universitario Galego acreditou por primeira vez algúns títulos da Universidade Santo Martín de Porres, esta axencia veu actuando como axencia europea acreditadora en Latinoamérica, pola súa pertenza a ENQA e a EQAR, e non só coa validez dun selo distintivo de calidade, senón con efectos e valor administrativo, desde que no ano 2018 foi recoñecida polo SINEACE e o Goberno do Perú como axencia acreditadora nese país.

Nesta ocasión desprazáronse seis comisións a Lima, que reunían un total de 28 avaliadores, para renovar a acreditación dos centros de Dereito, Enfermería e Obstetricia, Psicoloxía, Medicina Humana, Odontoloxía, Ciencias da Educación, Gobierno e Xestión Pública e o SIGC do centro ou facultade de Dereito.

O proceso da reacreditación destes títulos iniciouse fai máis dun ano coa subida das evidencias por parte da Universidade á plataforma que ACSUG ten para a avaliación de centros en Latinoamérica e culminarase co informe final, unha vez completados e analizados os datos recolleitos na visita presencial polos avaliadores.

Os avaliadores de ACSUG, de diferentes carreiras e de diferentes ramas de coñecemento, sentiron gratamente satisfeitos polo entusiasmo, o esforzo e o traballo realizado polos diversos sectores intervenientes: corpos directivos, profesores, estudantes, egresados, empregadores, etc.

É previsible que, nun curto período de tempo, as diferentes comisións concluísen os seus informes e a dirección de ACSUG asinará todas as certificacións.

As axencias autonómicas de avaliación da calidade universitaria e ANECA organizaron o 25 de febreiro unha xornada de difusión de boas prácticas de avaliación da calidade docente no marco do Programa DOCENTIA. A xornada tivo lugar na Escola Técnica Superior de Enxeñeiros Industriais da Universidade Politécnica de Madrid e asistieron de maneira presencial máis de 140 persoas e, en streaming, houbo picos de máis de 70 persoas conectadas.

O obxectivo da xornada, coa participación de universidades e axentes do sistema universitario, foi acercar ás institucións de educación superior ás últimas novedades do programa DOCENTIA, cuxa documentación foi actualizada en 2025. Varias universidades tamén compartiron exemplos de experiencias positivas implementadas a través deste Programa.
 

ACSUG participou nas Xornadas Técnicas REACU 2026 da Red Española de Agencias de Calidad Universitaria, organizadas pola Agencia Canaria de Calidad Universitaria y Evaluación Educativa (ACCUEE), celebradas en Santa Cruz de Tenerife os días 5 e 6 de febreiro. Un encontro que reuniu por primeira vez persoal técnico e directivo das distintas axencias de calidade co obxectivo de intercambiar experiencias, mellorar e avanzar a partir dos coñecementos compartidos. Ao longo das dúas sesións realizouse un traballo colaborativo e un intercambio de boas prácticas. O persoal técnico de ACSUG participou de maneira activa en varias mesas de traballo: Acreditación institucional e certificación dos SIGC, Avaliación de Títulos Universitarios Oficiais, Avaliación do profesorado laboral ou Implicacións do novo RD 905/2025 e o seu impacto no aseguramento da calidade.

Paralelamente tivo lugar a reunión dos directores de REACU co secretario xeral de universidades para dialogar, suxerir e consensuar o borrador das Bases xerais do procedemento e dos criterios de avaliación das memorias para a creación ou recoñecemento dunha universidade, ademais de estudar e analizar outros temas que afectan aos procesos de acreditación universitaria, que son responsabilidade de cada unha das once Axencias de Calidade existentes en España.

A xornada, celebrada o martes 27 de xaneiro, estivo dirixida á formación dos membros das Comisións de Avaliación Externa nomeados pola ACSUG para a avaliación de títulos de grao e mestrado da Universidade de San Martín de Porres (USMP), do Perú —académicos, profesionais e estudantes—. O obxectivo principal foi que as persoas avaliadoras coñezan o modelo e as ferramentas de avaliación, así como afondar nos conceptos, nas distintas fases do proceso e nos criterios de avaliación.

Cómpre salientar que, desde hai anos, ACSUG vén expandindo en América Latina o sistema europeo de educación superior, o que mereceu unha referencia de excelencia por parte de ENQA, e que, no caso concreto do Perú, é axencia acreditadora autorizada para programas de estudo de pregrao no ámbito da Educación Superior Universitaria.