O 18 de decembro tivo lugar a reunión ordinaria do Consello Reitor de ACSUG, máximo órgano de goberno do consorcio.
Durante a sesión, e tras a aprobación da acta da reunión anterior, abordouse unha orde do día propia da derradeira reunión do ano. O presidente presentou o seu informe, no que se fixo balance das actuacións desenvolvidas, e analizouse o plan operativo do Plan Estratéxico 2025–2030, documento clave para orientar o traballo da ACSUG nos vindeiros anos.
Así mesmo, tratáronse distintos convenios con outras institucións, avanzando na cooperación interinstitucional, e realizouse a planificación das actividades previstas para 2026. A reunión pechouse coa presentación do proxecto de orzamentos para o exercicio 2026, co obxectivo de garantir unha adecuada planificación económica.
Esta sesión permitiu pechar o exercicio anual e definir as liñas de actuación que marcarán o futuro inmediato da ACSUG.
