O director de ACSUG asistiu o día 15 á presentación do Informe CyD 2020-2021, no que, a través de indicadores seleccionados, como recursos, rendemento e calidade, ofrécense os resultados do progreso e desempeño das universidades españolas.
Trátase do vixésimo informe que nesta ocasión inclúe un elemento innovador: “cada prioridade conta cunha infografía que, mediante un conxunto de indicadores seleccionados, visualiza o estado actual e a evolución da universidade española en cada un dos ámbitos analizados”.
Ao multitudinario acto asistiron representantes de todos os responsables do sistema educativo, desde o Ministerio de Universidades ata os responsables políticos das Comunidades Autónomas máis directamente implicados na educación universitaria, ademais de reitores, profesores, consellos sociais das universidades, estudantes e responsables do mundo empresarial. Neste ámbito, foi precisamente Ana Botín, presidenta da Fundación CyD, a que máis insistiu na necesidade da transferencia do coñecemento da universidade ao mundo empresarial.
A Fundación CyD ofreceu aos asistentes unha fermosa e coidada publicación dos resultados que ACSUG, en canto axencia ocupada e preocupada pola excelencia académica universitaria, valora e agradece moi sinceramente