O 11 de decembro, celebrouse a segunda reunión do ano do Consello Reitor de ACSUG. Nesta reunión, informouse dos diferentes acordos entre universidades arxentinas e do Sistema universitario de Galicia, así como da sinatura do convenio entre CONEAU (institución cuxa misión é a de asegurar a calidade das carreiras e institucións universitarias que operan no sistema universitario arxentino) e ACSUG.
Entre os puntos máis salientables destacamos a aprobación da Planificación de Actividades e o Proxecto de Orzamentos do ano 2025. Asemade, presentouse o borrador do Plan Estratéxico 2025-2029, que está previsto que se aprobe na seguinte reunión do órgano.
