Hoxe 17 de decembro de 2024, publícase no DOG, a Resolución de 5 de decembro de 2024 pola que se aproba a convocatoria ordinaria para solicitar a avaliación previa á asignación das retribucións adicionais relativas ao complemento de recoñecemento á excelencia curricular e se abre o prazo de presentación de solicitudes correspondentes á convocatoria do 2024 (código de procedemento administrativo ED701A).
O prazo de presentación de solicitudes será desde o día 18 de decembro ata o día 17 de xaneiro inclusive.
A aplicación para cubrir a solicitude e anexos estará ABERTA desde o 18 de decembro.
ATENCIÓN!
De acordo co establecido na convocatoria, deberá cubrir telematicamente a solicitude (anexo III) no modelo dispoñible a través da aplicación informática da ACSUG. Conforme ao disposto no artigo 14.2 da Lei 39/2015, de 1 de outubro, do Procedemento Administrativo Común das Administracións Públicas, a presentación das solicitudes (anexo III en pdf xerado previamente na aplicación da ACSUG) deberá realizarse obrigatoriamente a través da sede electrónica da Xunta de Galicia: https://sede.xunta.gal/portada.
CODIGO DO PROCEDEMENTO: ED701A
En caso de dúbida, dificultades técnicas ou necesidade de máis información durante o proceso de obtención dos formularios na sede electrónica, poderanse dirixir ao teléfono de información 012 ou ao correo electrónico 012@xunta.gal.
