ACSUG celebrou os 21 anos da súa creación e a inaguración da súa nova sede

O 12 de marzo de 2001 publicábase o decreto de creación da Axencia para a Calidade do Sistema Universitario de Galicia. Nacía así a segunda axencia de calidade universitaria de España, que no ano 2009 era recoñecida tamén como membro de ENQA, conditio sine qua non, para poder verificar e acreditar títulos universitarios.

O COVID impediu que puidésemos celebrar o noso 20 aniversario o ano pasado, o que nos permitiu nesta ocasión conxugar a celebración de dúas efemérides: a creación como axencia e a inauguración dunha nova sede na Cidade da Cultura de Santiago de Compostela.

O traballo e o esforzo realizado por ACSUG durante estes anos non foi en balde e, tanto as institucións universitarias como as do goberno de Galicia outorgáronlle á axencia a súa total confianza, autorizándoa e solicitándolle, non só o que vén establecido por lei, senón moitas outras avaliacións, como todo o relacionado con I+D+i, bolsas pre e postdoutorais, etc. E non só a Consellería de Educación, senón tamén a de Economía, a través dá a axencia galega de innovación, e a Consellería de Presidencia.

Para todo o persoal técnico de ACSUG foi unha gran satisfacción sentirse arroupados ese día por tanto representantes da sociedade civil, política e universitaria, que acudiron ao edificio Fontán, sede de ACSUG, para a celebración destes 21 anos.

O esforzo valeu a pena e o compromiso de ACSUG co sistema universitario de Galicia incrementouse para seguir mellorando durante outros 20 anos.

O noso agradecemento a todos por tanto afecto como nos mostraron nesta efeméride.