Tras a sinatura do convenio de colaboración subscrito en 2001 co Consello de Coordinación Universitaria, a Axencia para a Calidade do Sistema Universitario de Galicia encargouse de xestionar na súa totalidade o desenvolvemento do II Plan de Calidade das Universidades na nosa Comunidade, o que supuxo un importante esforzo tanto a nivel organizativo coma de xestión.

En total (entre as dúas anualidades do II PCU) avaliáronse 53 titulacións pertencentes ao Sistema Universitario de Galicia, das cales 23 pertencen á Universidade da Coruña, 19 á Universidade de Santiago de Compostela e 11 á Universidade de Vigo.

As ferramentas utilizadas foron postas a disposición polo anterior Consello de Coordinación Universitaria, que publicou no ano 2002 a "Guía de Avaliación da Titulación" e a "Guía de Avaliación Externa".

• Titulacións avaliadas co II PCU no SUG.
• Informe final da primeira anualidade do II Plan de Calidade das Universidades no Sistema Universitario de Galicia (2001).
• Informe final da segunda anualidade do II Plan de Calidade das Universidades no Sistema Universitario de Galicia (2002).
• Xornada de traballo cos presidentes dos comités de avaliación externa.