ACSUG , ANECA e AQU Catalunya , co obxecto de apoiar as iniciativas das universidades para garantir a calidade da súa oferta educativa e impulsar unha cultura de mellora continua, elaboraron a "Guía para o deseño de Sistemas de Garantía Interna de Calidade da formación universitaria". Cun dobre obxectivo: orientar as actuacións levadas a cabo polos Centros para dotarse de Sistemas de Garantía Interna de Calidade ( SGIC ) e facilitar aos Centros e Universidades unha serie de directrices para guialos no desenvolvemento dos devanditos sistemas.

O obxectivo do Programa FIDES - AUDIT é guiar aos centros no labor de integración de todas as actividades relacionadas coa garantía de calidade das ensinanzas, que ata o momento viñan desenvolvendo, e favorecer o futuro proceso de verificación e acreditación de títulos.

Debido á complementariedade dos programas FIDES e AUDIT , na ACSUG desenvólvense, deséñanse, xestiónanse, avalíanse, impleméntanse e certifícanse de forma conxunta e coordinada. Polo que se consideran un só denominándoo "Programa FIDES - AUDIT ".

O resultado esperado do primeiro obxectivo de FIDES - AUDIT concrétase na análise ou diagnóstico, por parte dos Centros, do estado actual da garantía de calidade dos seus programas formativos. Este diagnóstico pode axudar a establecer cál é o camiño recorrido e a dirección na que poderían orientar as súas próximas actuacións. O resultado esperado do segundo obxectivo do Programa FIDES - AUDIT visualízase na definición e documentación do Sistema de Garantía Interna de Calidade que o Centro decide adoptar á luz da análise dos referentes explicitados neste documento, así como da información obtida no diagnóstico previo da situación.

Na primeira convocatoria participaron no Programa FIDES-AUDIT 35 centros do SUG.

Para levar a cabo o proceso de avaliación dos SGIC creáronse dúas comisións de avaliación , constituidas segundo os criterios previamente establecidos.

Resultados da primeira convocatoria

Continuando co a poio aos centros das universidades galegas no deseño e implementación, dun modo sistemático, de procedementos de garantía interna de calidade, ábrese a segunda convocatoria . O prazo de presentación de solicitudes de participación dos centros na mesma é ata o 27 de febreiro de 2009. O prazo de presentación da documentación completa do SGIC do centró é ata o 30 de xuño de 2009.

Na segunda convocatoria presetaron solicitude para participar no Programa FIDES-AUDIT 26 centros do SUG. Presentando o SGIC para a sua avaliación, 22 centros.

Na terceira convocatoria presentaron solicitude para participar no Programa FIDES-AUDIT 23 centros do SUG.

Documentos de referencia:

- Guía Programa FIDES

- Guía para o deseño de Sistemas de Garantía Interna da Calidade da formación universitaria

- Directrices, definición e documentación dos Sistemas de Garantía Interna de Calidade da formación universitaria (nova versión)

- Protocolo de avaliación externa do deseño do Sistema de Garantía Interna de Calidade (nova versión)

- Ferramentas para o diagnóstico