COMPLEMENTOS RETRIBUTIVOS DE RECOÑECEMENTO DE LABOR DOCENTE E LABOR INVESTIGADOR (CLD-CLI)

•  Destinatarios:

De conformidade co disposto no artigo 1 do Decreto 55/2004, do 4 de marzo, e o 16 de abril de 2004 , poderán solicitar esta valoración previa á asignación das retribucións adicionais CLD-CLI, o persoal docente e investigador FUNCIONARIO e CONTRATADO DOUTOR das universidades públicas que compoñen o sistema universitario de Galicia (SUG).

•  Requisitos:

Para obter a valoración positiva será necesario:

a) Para o complemento de recoñecemento do labor docente:

• Estar integrado no cadro de persoal docente , como funcionario ou como contratado doutor, de calquera das universidades públicas de Galicia .

•  Que a súa praza sexa fixa e estable , e teña superado o correspondente proceso de concurso-oposición establecido por lei.

•  Acreditar, polo menos, un ano de servizo na súa praza dentro do SUG. (Débese computar tendo en conta a data que se estableza en cada convocatoria)

•  Ter dedicación a tempo completo.

b) Para o complemento de recoñecemento do labor investigador:

• Estar integrado no cadro de persoal docente , como funcionario ou contratado doutor , de calquera da universidades públicas de Galicia

•  Que a súa praza sexa fixa e estable, e teña superado o correspondente proceso de concurso-oposición establecido por lei.

•  Acreditar polo menos un ano de servizo na súa praza dentro do SUG. (Débese computar tendo en conta a data que se estableza en cada convocatoria)

•  Ter o título de doutor/a.

•  Ter dedicación a tempo completo ou parcial.

•  Formalización da solicitude:  

Para solicitar o complemento disporase dunha ligazón que lle permitirá acceder á aplicación e cubrir a solicitude pertinente. Unha vez cuberta a solicitude de forma telemática deberase imprimir e asinar. Poderase presentar en calquera rexistro relacionado no artigo 38.4 da lei 30/1992 do 26 de novembro, (inclúe o noso rexistro, os rexistros da administración pública, Subdelegación de Goberno, oficinas de correos "en sobre aberto" etc.) e tamén nos rexistros de calquera das universidades do SUG.

O resto da documentación que se deberá presentar (en papel ou de forma telemática) é a seguinte:

•  DNI ou documento equivalente acreditativo da identidade do solicitante.

•  Anexo IIA para os solicitantes do CLD.

•  Anexo IIB para os solicitantes do CLI.

•  Xustificante do título de doutor/a. (SÓ PARA OS/AS SOLICITANTES DO CLI QUE SEXAN TITULARES DE ESCOLA UNIVERSITARIA).

"Non será necesario acreditar os méritos alegados nos anexos IIA e IIB, nin duplicar a documentación no caso de solicitar os dous complementos ".

Acceso á aplicación:

•  Convocatorias:

Haberá dúas convocatorias anuais que se publicaran na nosa web .

•  Retribucións:

De acordo co disposto no Decreto 55/2004, do 4 de marzo, ( texto consolidado, de acordo coa redacción dada polo Dercreto 326/2009 do 11 de xuño) establécense as seguintes contías anuais:

•  Para o complemento ao recoñecemento ao labor docente son mil euros anuais.

•  Para o complemento ao recoñecemento ao labor investigador son novecentos euros anuais.

Estes complementos teñen carácter individual e consolidable .

IMPORTANTE: OS SOLICITANTES QUE CONSEGUIRAN ESTES COMPLEMENTOS RETRIBUTIVOS NON TERÁN QUE VOLVER SOLICITALOS.